شیخوپورہ: قیمتوں میں اضافہ کی خبر‘ شہر بھر میں پٹرول کی مصنوعی قلت 

شیخوپورہ (سلطان حمید راہی ،سیف الرحمن سیفی)پٹرول کی قیمتوں میں اضافے کی خبروں پر پٹرولیم کمپنیوں نے پٹرول کی مصنوعی قلت پیدا کر دی ہے جبکہ شیخوپورہ کے علاقہ ماچھیکے میں قائم متعدد آئل کمپنیوں کے ڈپوئوں میں وافر مقدار میں پٹرول موجود ہے مگر پٹرول پمپوں کو مطلوبہ مقدار کے مطابق سپلائی نہیں دی جارہی جس کی وجہ سے شیخوپورہ سمیت پنجاب بھر میں پٹرول کا بحران دن بدن شدت اختیار کر رہا ہے شہر کے اکثر پٹرو ل پمپوں پر پٹرول کی سپلائی پوری نہیں مل رہی لوگ پٹرول کے حصول کیلئے خوار ہو رہے ہیں بتایا جاتا ہے کہ گزشتہ ایک ہفتے سے شیخوپورہ کے اکثر پٹرول پمپوں پر مختلف کمپنیوں کی طرف سے سپلائی کیا جانے والا پٹرو ل کی مقدار کم کر د ی ہے۔ اس سلسلہ میں پٹرول پمپ کے اکثر مالکان نے ڈپٹی کمشنر شیخوپورہ سے بھی مداخلت کی درخواست کی ہے ۔