شکارپور (اسپورٹس ڈیسک) کالج ایجوکیشن ڈیپارٹمنٹ گورنمنٹ آف سندھ کے زیر نگرانی ہونے والے پانچویں سندھ کالج گیمز 2023 کےحوالے سے ڈائریکٹوریٹ کالج ایجوکیشن لاڑکانہ ریجن لاڑکانہ کے تھروبال مقابلے گورنمنٹ گرلز ڈگری کالج شکارپور میں منعقد ہوئے۔بیگم نصرت بھٹو گورنمنٹ گرلز ڈگری کالج لاڑکانہ کو سیمی فائنل میں 2-0 سے شکست دے کر فائنل میں جگہ بنانے والی گورنمنٹ گرلز کالج لاڑکانہ کی ٹیم فائنل میں گورنمنٹ گرلز ڈگری کالج شکارپور کا مقابلہ نہ کرسکی۔شکارپور 0-2سے فتح حاصل کرکے چیمپیئن بن گیا۔مہمان خاص ریجنل ڈائریکٹر کالجز لاڑکانہ پروفیسر احمد بخش بھٹو تھے جبکہ پروفیسرز، افضل شیخ ،نگینہ سید، ارشاد احمد جمانی،محمد رمضان جمالی،نصراللہ میمن،ارشد سعید ،انیلا ابڑو اور مس مونا بطور اعزازی مہمان و آفیشلز موجود تھے جنہوں نے کھلاڑیوں میں انعامات تقسیم کئے.پی سی بی گرانڈ شکارپور میں بوائز کرکٹ کے مقابلے جاری ہیں۔کھیلے گئے میچوں میں گورنمنٹ کالج رتوڈیرو،گورنمنٹ بوائز ڈگری کالج لاڑکانہ،گورنمنٹ کالج کندھ کوٹ اور گورنمنٹ سی اینڈ ایس ڈگری کالج شکارپور نے اپنے میچز جیت لیئے۔فوکل پرسن ضلع شکارپور نصراللہ میمن نے ریجنل فوکل پرسن پرویز احمد شیخ کو کھیلے گئے میچز کی تفصیلات سے آگاہ کرتے ہوئے بتایا کہ پہلے میچ میں رتودیرو نے گورنمنٹ ڈگری کالج ٹلھ کو 92 رنز سے شکست دی پہلے کھیلتے ہوئے فاتح ٹیم نے مقررہ اوورز میں 140رنز بنائے اور پوری ٹیم کو 48رنز آو¿ٹ کردیا۔دوسرے میچ میں گورنمنٹ ڈگری کالج لاڑکانہ نے گورنمنٹ شاھ لطیف ڈگری کالج قمبر کو شکست دے دی پہلے کھیلتے ہوئے مقررہ اوورز میں قمبر نے 135 رنز بنائے اور جوابی بیٹنگ کرتے ہوئے گورنمنٹ ڈگری کالج لاڑکانہ نے اٹھارہویں اوور میں حدف حاصل کرلیا۔تیسرے میچ میزن۔گورنمنٹ کالج کندھ کوٹ نے شاہ لطیف آرٹس اینڈ کامرس کالج شکارپور کو 76رنز سے شکست دی۔کندھ کوٹ کے مقرر اوورز میں بنائے 159رنز کے جواب میں شاہ لطیف کالج 83رنز پر آو¿ٹ ہوگئی۔چوتھے میچ میں سی اینڈ ایس ڈگری کالج شکارپور نے گورنمنٹ ڈگری کالج میرو خان کو 5 وکٹ سے شکست دے دی پہلے کھیلتے ہوئے مقررہ اورز میں میرو خان کی جانب سے دیئے گئے 118رنز کے حدف کو سی اینڈ ایس کالج نے 16اوورز میں حاصل کرلیا.مہمان خاص پروفیسر ارشاد احمد جمانی نے پروفیسرز اصغر علی،افتخار احمد سومرو،قربان علی مگسی,سینئر ڈائریکٹر فزیکل ایجوکیشن ذوالفقارحسین، شفقت حسین مکانی اور نصر اللہ میمن کے ساتھ افتتاح کیا تھا جبکہ دوسرے روز کے مہمان خاص پروفیسر سید عارف حسین پرنسپل شاہ لطیف گورنمنٹ آرٹس اینڈ کامرس کالج شکارپور تھے۔اس موقع پر ڈائریکٹر فزیکل ایجوکیشن ذوالفقار تبسم، پروفیسر ندیم حسین تنیو بھی موجود تھے۔