عارضی چیئرمین پی سی بی کے عہدہ کا چارج سنبھال لیا، بورڈ کے شفاف انتخابات اولین ترجیح: شاہ خاور

 لاہور (سپورٹس رپورٹر)پاکستان کرکٹ بورڈ کے عارضی چیئرمین اور اس کے الیکشن کمشنر شاہ خاور نے  عہدے کا چارج سنبھال لیا۔شاہ خاور ز پی سی بی ہیڈکوارٹر پہنچے جہاں پی سی بی کے چیف آپریٹنگ افسر سلمان نصیر، ڈائریکٹرز اور دیگر سٹاف نے ان کا استقبال کیا اور ایکٹنگ چیئرمین کو پھول پیش کیے۔شاہ خاور کو سلمان نصیر سمیت پی سی بی کے دوسرے حکام نے اہم امورز پر بریفنگ دی ۔شاہ خاور چار ہفتوں کے اندرر الیکشن کرائیں گے، موجودہ مینجمنٹ کمیٹی کی مدت 4فروری کو پوری ہو گی۔پی سی بی کے چیئرمین کا الیکشن فروری کے پہلے ہفتے میں  ہونے کا امکان ہے۔ عارضی چیئرمین الیکشن کمشنر شاہ خاور نے پی سی بی میں جلد اور شفاف انتخاب کو اولین ترجیح قرار دیدیا۔ انہوںنے کہا کہ پوری ایمانداری کیساتھ ذمہ داری نبھانے کی کوشش کریں گے تاکہ پی سی بی کے انتخابات ہر پہلو سے شفاف ہوسکیں۔  وہ پی ایس ایل سمیت تمام دوسرے امور کے روزہ مرہ معاملات بھی دیکھیں گے۔