نوشہرہ ورکاں:الیکشن ڈیوٹی سے واپس جاتے ٹیچر کوڈاکوؤں نے لوٹ لیا

نوشہرہ ورکاں(نامہ نگار)الیکشن ڈیوٹی سے واپس جاتے ٹیچر سے ڈاکوؤں نے موٹر سائیکل اور نقدی چھین لی۔بتایا گیا ہے نواحی گاؤں منگوکی ورکاں کا سکول ٹیچر شاہد عمران پی پی69 کے ریٹرننگ افسر کے ساتھ بطور ڈیٹا انٹری آپریٹر فرائض سرانجام دے رہا تھا گذشتہ رات شاہد اپنا کام ختم کرنے کے بعد ریٹرننگ آفس سے واپس گاؤں جا رہا تھا موضع سیچ سپرائے کے قریب دو موٹرسائیکل سوار ڈاکوؤں نے شاہد عمران سے موٹر سائیکل،نقدی اور کاغذات چھین لیے۔