بھارت میں مفت گول گپے نہ دینے پر غریب ٹھیلے والے کو قتل کردیا گیا۔
بھارتی میڈیا رپورٹس کے مطابق کانپور شہر میں نامعلوم ملزمان نے مفت گول گپے نہ دینے پر ٹھیلے والے کو موت کے گھاٹ اتار دیا۔
کان پور کے علاقے چکری میں 40 سالہ پریم چندرا گول گپے کا ٹھیلہ لگاتا تھا، رات کو گھر واپسی کے وقت علاقے کے کچھ غنڈوں نے پریم چندرا سے مفت میں گول گپے مانگے جسے پریم نے دینے سے انکار کیا۔
مقتول کے انکار کرنے پر ملزمان طیش میں آگئے اور اسے بری طرح پیٹا۔
علاقے میں شور شرابا ہونے پر علاقہ مکین گھروں سے باہر نکل آئے اور غنڈوں سے پریم کو بچایا، شہری کی حالت بگڑنے پر اسے اسپتال منتقل کیا گیا جہاں ڈاکٹرز نے اس کو مردہ قرار دیدیا۔
پولیس کے مطابق چکری تھانے میں واردات میں ملوث افراد کے خلاف مقدمہ درج کرلیا گیا ہے۔