کراچی کے علاقے اورنگی ٹاؤن میں نشان حیدر چوک کے قریب مسلح افراد کی فائرنگ سے ایک شخص ہلاک اور ایک زخمی ہوگیا ۔ پولیس کے مطابق لیاری میں کھڈہ مارکیٹ کے قریب ایک شخص کی لاش ملی ہے جسے تشدد کا نشانہ بنایا گیا تھا۔ سمن آباد ، گلبرگ، لیاقت آباد، بغدادی ، نارتھ کراچی ، بلدیہ اور انچولی کے علاقے میں فائرنگ کے واقعات میں نو افراد ہلاک جبکہ متعدد زخمی ہوگئے ۔ نامعلوم مسلح افراد کی فائرنگ سے سرجانی ٹاؤن میں تین جبکہ انچولی سوسائٹی ، بلدیہ، بغدادی، قلندریہ چوک، پیالہ ہوٹل کے علاقوں میں ایک ایک شخص کو ہلاک کیا گیا ۔ فائرنگ کے بعد مختلف علاقوں میں کشیدگی پھیل گئی اور دکانیں اور کاروباری مراکز بند ہوگئے ۔ ادھر پولیس اور رینجرز کی بھاری تفری نے حالیہ ٹارگٹ کلنگ میں ملوث نامزد ملزمان کی گرفتاری کیلئے الفلاح کے علاقے میں سرچ آپریشن کیا ہے ، اس دوران متعدد افراد کو حراست میں لیا گیا جن سے تفتیش جاری ہے۔