لاہور دھاکہ ، ہرطرف چیخ و پکار ، لوگ دیوانہ وار پیاروں کو تلاش کرتے رہے

لاہور(نامہ نگار)ارفع کریم سنٹر کے سامنے دھماکے کے بعد ہر طرف چیخ و پکار تھی۔ واقعہ کی اطلاع ملتے ہی اپنے پیاروں کی تلاش کیلئے لوگ گھروں سے نکل پڑے ،دھماکے کی جگہ پر تباہی دیکھ کر کئی افراد زارو قطار روتے رہے ۔ جس سے انتہائی رقت آمیز مناظر دیکھنے میں آئے۔ ہر طرف خون ہی خون اور تباہی دیکھ کر لوگ افسردہ ہو گئے ۔ اس موقع پر کئی افراد ایک دوسرے سے گلے لگ کر روتے رہے ۔ جائے وقوعہ پر اپنے پیاروں کے نہ ملنے پر ایک بڑی تعداد ہسپتالوں میںپہنچ گئی ۔جس وجہ سے ہسپتالوں میں رش انتہائی بڑھ گیا ۔دھماکے میں ہلاک اور زخمی ہونے والوں کے رشتہ دار ایک دوسرے سے گلے لگ کر اور دھاڑیں مار مار کر روتے رہے ۔
لوگ/ پیارے تلاش