لاہور(آئی این پی) عمران خان نے عوام سے اپیل کی ہے کہ وہ گھروں سے نکلیں اور ملک کے تاریخی انتخابات میں اپنا حقِ رائے دہی استعمال کریں۔سماجی رابطے کی ویب سائٹر ٹوئٹر پر پیغام میں عمران خان نے کہا کہ گزشتہ 4 دہائیوں میں پہلی مرتبہ قوم کو موقع ملا ہے کہ وہ ’سٹیٹس کو‘ کو شکست فاش سے دوچار کریں، یہ موقع گنوائیے گا مت۔ تحریک انصاف کے کارکنان جلد سونے کی کوشش کریں تاکہ خوب تازہ دم ہو کر پوری حاضر دماغی سے انتخابی عمل پر نگاہ رکھ سکیں اور تاریخ رقم کریں۔