کلیۃ البنات العربیۃ للدراسات الإسلامیۃ عربک گرلز کالج کی سالانہ تقریب تقسیم انعامات

کراچی(نیوزرپورٹر) کلیۃ البنات العربیۃ للدراسات الإسلامیۃ عربک گرلز کالج فار اسلامک اسٹڈیز نارتھ کراچی کی سالانہ تقریب اعلان نتائج و تقسیم انعامات 2019 کا انعقاد مدیر الکیۃ ڈاکٹر عامر عبداللہ محمدی کی زیر صدارت اور میڈم شمیم مارسلینہ کی زیر نگرانی ہوا۔مہمان خصوصی پروفیسر حافظ محمد سلفی مدیر جامعہ ستاریہ اسلامیہ گلشن اقبال کراچی و رئیس وفاق المدارس السلفیہ صوبہ سندھ تھے۔جب کہ مہمان اعزازی محترمہ فریدہ خورشید تھیں۔مدیرڈاکٹر عامرعبداللہ محمدی نے کلیہ کے سالانہ اور بورڈ میں ممتاز مع الشرف پوزیشن ہولڈر طالبات کے نتائج کا اعلان کیا رزلٹ 99 پوائیٹ9 فیصد رہا کالج میں پوزیشن ہولڈرز کو ایوارڈز بدست مبارک پروفیسر حافظ محمد سلفی عنایت ہوئے جب کہ مہمان خصوصی نے اپنی طرف سے کتابوں اور کیش انعامات بھی دیئے۔