25جولائی کوآزاد کشمیر چنائو میں فتح ن لیگ کی ہو گی ، جاوید اخلاص

 گوجرخان (نامہ نگار)25جولائی کوآزاد کشمیر کے انتخابات میں فتح مسلم لیگ (ن) کی ہو گی حلقہ 39جموں 6 حلقہ ویلی 5 میں رہنے والا ہر کشمیری 25جولائی کے انتخابات میں شیر کے اوپرمہر لگائے گا ان خیالات کا اظہار سابق وفاقی پارلیمانی سیکرٹری راجہ محمد جاوید اخلاص چیئرمین بلدیہ گوجرخان حاجی محمد شاہد صراف چوہدری ابرار احمد وارثی  مسلم لیگ یوتھ ونگ ن راولپنڈی ڈویژن کے سابق صدر سید ندیم عباس بخاری چیئرمین مرزا ارشد اقبال چیئرمین چوہدری الطاف نے چیئرمین بلدیہ حاجی شاہد صراف کی رہائش گاہ پر کشمیر انتخابات کے حوالے سے منعقدہ میٹنگ سے خطاب کرتے ہوئے کیا انہوں نے کہاکہ عوام کی توقعات اور ہواؤں کا رخ مسلم لیگ (ن) کی طرف ہے موجودہ حکومت نے گزشتہ تین سالوں میں عوام کے لئے کچھ نہیں کیا جس کی وجہ سے آج عوام کو ایک بار پھر مسلم لیگ (ن) کا سنہری دور یاد آرہا ہے مسلم لیگ (ن) نے ہمیشہ کشمیر کازکے لئے آواز بلند کی ہے یہی وجہ ہے کہ کشمیر کے لوگ مسلم لیگ (ن) کے سا تھ کھڑے ہیں تحصیل گوجرخان کی کشمیر ی برادری میاں نوازشریف میاں شہباز شریف مریم نواز کے سا تھ کھڑی ہے اور 25جولا ئی کو تحصیل گوجرخان کا ہر کشمیری شیر پر مہر لگاکر مسلم لیگ (ن) کے امیدوارکو کامیاب بنائے گا