کامن ویلتھ گیمزمیں شرکت کیلئے پاکستانی باکسنگ ٹیم آج روانہ ہو گی

 لاہور (سپورٹس رپورٹر)کامن ویلتھ گیمزمیں شرکت کیلئے پاکستانی باکسنگ ٹیم آج روانہ ہو گی،پاکستان باکسنگ کی تاریخ میں پہلی بارکامن ویلتھ گیمز میں خاتون باکسرمہرین بلوچ کو ٹیم کا حصہ بنایا گیا ہے،وہ ایونٹ میں حصہ لینے والی واحد خاتون ہیں۔ گیمز میں حصہ لینے کیلئے پاکستانی ٹیم پیر کی صبح لاہور سے برمنگھم روانہ ہوگی۔ گیمز کے لئے 5رکنی پاکستان باکسنگ ٹیم کے منیجر اصغربلوچ اور ارشد حسین ٹیم کے کوچ ہوں گے۔ فلائی ویٹ میں زوہیب رشید، فیدر ویٹ میں محمد الیاس ، والٹر ویٹ میں سلمان بلوچ‘ لائٹ ہیوی ویٹ میں نذیر اللہ جبکہ واحد خاتون باکسر فیدر ویٹ میں مہرین بلوچ شامل ہیں۔گیمز 28 جولائی سے 8 اگست تک ہوں گے۔