قومی کرکٹر فواد عالم نے ٹیسٹ کرکٹ میں اہم سنگِ میل عبور کرلیا ہے۔پاکستان کرکٹ ٹیم کے مایہ ناز کھلاڑی فواد عالم نے ٹیسٹ کرکٹ میں 1 ہزار رنز مکمل کرلیے ہیں جبکہ یہ کارنامہ انہوں نے سری لنکا کے خلاف جاری دوسرے ٹیسٹ میچ میں انجام دیا ہے۔

1️⃣0️⃣0️⃣0️⃣ Test runs for @iamfawadalam25 ????#SLvPAK | #BackTheBoysInGreen pic.twitter.com/ODC3sX70q3

— Pakistan Cricket (@TheRealPCB) July 25, 2022

اس میچ میں انہوں نے سری لنکا کے خلاف 24 رنز کی اننگز کھیلی جس کے بعد بین الاقوامی ٹیسٹ میچز میں انکے 1 ہزار مکمل ہوئے جبکہ مجموعی طور پر 1 ہزار 10 رنز ہوگئے ہیں۔

واضح رہے کہ 36 سالہ کھلاڑی نے 2009 میں سری لنکا کے خلاف ہی ٹیسٹ ڈیبیو کیا تھا جبکہ بین الاقوامی کرکٹ میں انہوں نے پہلا میچ 2007 میں سری لنکا کے خلاف ون ڈے کھیلا تھا۔فواد عالم بین الاقوامی کرکٹ میں اب تک مجموعی طور پر 80 میچز کھیل چکے ہیں جس میں انہوں نے 2170 رنز اسکور کیے ہیں جبکہ ون ڈے میں 966 اور ٹوئنٹی میں 194 رنز بنائے ہیں۔