پی آئی ٹی بی کے زیرِ اہتمام ای پروکیورمنٹ سسٹم بارے تربیتی سیشنز

لاہور (نیوز رپورٹر)پی آئی ٹی بی کے زیرِ اہتمام محکمہ کمیونیکیشن اینڈ ورکس کیلئے ای پروکیورمنٹ سسٹم بارے تربیتی سیشنز کا انعقاد کیا گیا جن کا مقصد محکمہ کے افسران کو ای پروکیورمنٹ سسٹم میں ہونے والی پیشرفت بارے آگاہ کرنا تھا۔ ان سیشنز کا انعقاد لاہور‘ ساہیوال‘ فیصل آباد‘ ‘ملتان سمیت مختلف ڈویژنوں میں پی آئی ٹی بی پروگرام مینیجرز نے کیا۔تربیتی سیشنز کے شرکاء میں چیف انجینئرز، سپرنٹنڈنٹ انجینئرز، ایگزیکٹو انجینئرز، فوکل پرسنز اور کنٹریکٹرز شامل تھے۔ تربیتی سیشنز میں کمیونیکیشن اینڈ ورکس پنجاب میں ای پروکیورمنٹ سسٹم کے نفاذ میں درپیش چیلنجوں بارے آگاہی بھی فراہم کی گئی۔