نوشہرہ ورکاں (نامہ نگار)جم انسٹرکٹر طاہر رسول پر وحشیانہ تشدد،ٹانگ میں گولی مار دی گئی، ملزموں نے طاہرکے دونوں بازو اورٹانگیں بھی توڑ دیں، ہسپتال میں حالت تشویشناک ہے،پولیس نے واقعہ کا مقدمہ درج کر لیا لیکن ملزمان آزاد ہونے کے باعث زخمی جم انسٹرکٹر کے خاندان کے دیگر افراد کو شدید خطرہ ہے۔نواحی گاو¿ں عابد آباد کے رہائشی طاہر رسول نے سٹی نوشہرہ ورکاں میں فٹنس جم بنا رکھا تھا ،تین روز قبل طاہر جم بند کرکے واپس گاو¿ں جا رہا تھا تو امان اللہ،بلال،ابوبکر،عمر فاروق وغیرہ نے منصوبہ بندی سے ٹریکٹر ٹرالی سٹرک پر کھڑی کرکے رستہ بلاک کررکھا تھا ،طاہر کے موٹر سائیکل روکنے پر ملزمان آہنی راڈوں اور ڈنڈوں سوٹوں سے اس پر حملہ آور ہوگئے اور بہیمانہ تشدد کرتے ہوئے طاہر کی دونوں ٹانگیں اور بازو توڑ دئیے ،اوربائیں ٹانگ پر گولی مار کر فرار ہوگئے ،اہل دیہہ نے مضروب کو شدید زخمی حالت میں ٹی ایچ کیو ہسپتال منتقل کیا۔