مریدکے(نامہ نگار) پنجاب کے تعلیمی اداروں میں آزادی کپ کھیلوں کے مقابلے شروع ہوگئے۔ پہلے مرحلہ میں تحصیلوں کی سطح پر کھیلوں کے مقابلے شروع ہوئے۔ یہ مقابلے دو اگست تک جاری رہیں گے۔ اس سلسلہ میں چاند باغ سکول گراونڈ میں ہاکی کے دو ابتدائی میچ ہوئے۔پہلا میچ گورنمنٹ علی عباس شہید ہائر سکنڈری سکول مریدکے نے گورنمنٹ ہائی اسکول ننگل ساہداں مریدکے سے تین صفر سے جیت لیا۔ دوسرا میچ گورنمنٹ ہائی سکول قلعہ مسیتا مریدکے نے گورنمنٹ ہائی سکول نانگ منڈی سے دو ایک سے جیت لیا۔ سی ای او ایجوکیشن شیخوپورہ علی احمد سیان، ڈسٹرکٹ ایجوکیشن افسر سید محمد سبطین مظہر، چوہدری افضل پرنسپل چاند باغ سکول، سر افتخار احمد پرنسپل علی عباس شہید ہائر سکنڈی سکول مریدکے اور حاجی ذوالفقار علی ہیڈ ماسٹر گورنمنٹ ہائی سکول قلعہ مسیتا مریدکے نے بطور مہمان خصوصی شرکت کی۔