لاہور کے تمام  9 ٹاؤنز میں مرحلہ وار زیرو ویسٹ ایکٹیویٹیز کیلئے صفائی ٹیمیں متحرک  

لاہور(خبرنگار)وزیرِ اعلیٰ پنجاب مریم نواز شریف کی ہدایت پرلاہور کے شہریوں کو بروقت صفائی سہولیات کی فراہمی کیلئے ایل ڈبلیو ایم سی کی جانب سے شہر بھر میں صفائی آپریشن بلا تعطل جاری ہے۔ لاہور کے تمام 9 ٹاؤنز میں مرحلہ وار زیرو ویسٹ ایکٹیویٹیز کیلئے صفائی ٹیمیں متحرک ہیں۔ خصوصی صفائی اقدامات کے تحت  شالیمار ٹاؤن میں 800 سے زائد ورکرز، 140 سے زائد آپریشنل گاڑیاں صفائی آپریشن پر تعینات کیے گئے۔علاقے میں موجود 26 کوڑے کے پوائنٹس، 15 ہاٹ سپاٹ ایریاز کو کلیئر کر دیا گیا۔ سی ای او ایل ڈبلیو ایم سی بابر صاحب دین کا اس حوالے سے کہنا ہے اربن یونین کونسلزکیساتھ ساتھ دیہی یونین کونسلز میں بھی صفائی کے انتظامات یقینی بنائے جا رہے ہیں۔ شالیمار ٹاؤن میں چائنہ سکیم عارضی کلیکشن پوائنٹ اورفضل پورہ ویسٹ انکلوڑر کو روزانہ کی بنیاد پر زیرو ویسٹ کیا جا رہا ہے۔