اسلام آباد (اپنے سٹاف رپورٹر سے) وفاقی وزیر امور کشمیر و سیفران انجینئر امیر مقام نے بانی پی ٹی آئی کے پولی گراف ٹیسٹ کرانے سے انکار پر تبصرہ کرتے ہوئے کہا کہ جو کہتا تھا ’آپ نے گھبرانا نہیں‘، جھوٹ پکڑنے والی مشین سے گھبرا گیا ہے جو کہتا تھا ’کسی سے نہیں ڈرتا‘ ، جھوٹ پکڑنے والی مشین سے ڈر گیا ہے۔ یوٹرن کو بڑے لیڈر کی نشانی بتانے والا پولی گراف ٹیسٹ پر یوٹرن لے چکا ہے، جھوٹا اگر جھوٹا نہ ہوتا تو جھوٹ پکڑنے کی مشین سے کیوں ڈرتا؟ انجینئر امیر مقام نے کہاکہ’’مرجائوں گا، آئی ایم ایف نہیں جائوں گا‘‘ کا جھوٹ بولنے والا پولی گراف مشین کا سامنا کیسے کرے گا؟۔ جھوٹ پکڑنے والی مشین کا انکار اس لئے کیا کیونکہ وہ ’’گْڈ ٹو سی یو‘‘ نہیں کہتی۔