کامونکی(نمائندہ خصوصی)ڈکیتی کی مختلف وارداتوں میں چار افراد کو لوٹ لیا گیا۔ محلہ شریف پورہ کا فریاد موٹر سائیکل پر تھا کہ جی ٹی روڈ نادرا آفس کے قریب تین ڈاکو اْس سے بیس ہزارروپے اورموبائل فون چھین کر لے گئے۔نند پور کے ریحان سے دو ڈاکو چودہ ہزارروپے اورموبائل فون چھین کر لے گئے۔ماڑی ٹھاکراں کے دْکاندار گلفام سے سیم نالہ کے قریب دو ڈاکو دو لاکھ ستائیس ہزارروپے چھین کر فرار ہوگئے۔جبکہ ڈاہلیانوالی کے یاسر رزاق سے دو ڈاکو تیس ہزارروپے اور موبائل فون چھین کر لے گئے۔پولیس نے مقدمات درج کرلیے ۔