قلعہ دیدار سنگھ(نمائندہ خصوصی)یوسی چہل کلاں کے محلہ''اسلام پورہ ایجنسی''کی گلیوں میں عرصہ دراز سے سیوریج کا بدبو دار پانی جمع،شہریوں کا احتجاج ہائی وے،محکمہ واپڈا مردہ باد کے نعرے، وزیر اعلیٰ پنجاب سے نوٹس لینے کا مطالبہ۔تفصیلات کے مطابق محکمہ ہائی وے پنجاب نے حافظ آباد روڈ کی تعمیر کے دوران سیوریج لائن ڈالی یوسی چہل کلاں کے محلہ اسلام پورہ ایجنسی کا کنکشن نہیں کیا جس وجہ سے عرصہ دراز سے پورا علاقہ پانی میں ڈوب گیا۔سیوریج کا پانی گلیوں میں پانی جمع ہونے کے بعد گھروں میں داخل ہونا شروع ہوگیا مچھروں،مکھیوں کی افزائش میں اضافہ ہونے سے شہری بیماریوں کا شکار ہورہے ہیں۔ مظاہرین نے دوران احتجاج وزیر اعلیٰ پنجاب سے اپیل کی ہے کہ محکمہ ہائی وے پنجاب اور محکمہ واپڈا کے غفلت برتنے والے افسران کیخلاف کاروائی کرتے ہوئے سیوریج لائن کا دیرینہ مسئلہ حل کیا جائے۔