سمندری طوفان گیمی فلپائن کے بعد تائیوان سے ٹکرا گیا، سمندری طوفان گیمی کے باعث تائیوان میں بارشوں کا سلسلہ جاری ہے۔غیر ملکی خبر رساں ادارے کے مطابق تائیوان میں طوفان کے باعث مختلف حادثات میں 2 افراد ہلاک اور 266 زخمی ہو گئے ۔تائیوان میں دوسرے روز سکول، دفاتر اور کاروبار بند جبکہ ٹرین سروس بھی معطل رہی۔تمام ڈومیسٹک پروازیں اور 185 بین الاقوامی پروازیں منسوخ کر دی گئیں جبکہ تقریباً 5 لاکھ گھروں کی بجلی منقطع رہی ۔حکام کے مطابق تائیوان کے سمندر میں تنزانیہ کے پرچم والا کارگو جہاز ڈوب گیا، جہاز ڈوبنے سے عملے کے 9 افراد لاپتہ ہیں جن کی تلاش جاری ہے۔