اسلام آباد ہائیکورٹ نے پی ٹی آئی کی 26جولائی کو احتجاج کی درخواست پر نوٹس جاری کردیے

اسلام آباد ہائیکورٹ نے پی ٹی آئی کے 26 جولائی کے احتجاج کی اجازت کے لیے دائر درخواست پر نوٹسز جاری کر دیے۔عدالت نے ریمارکس میں کہا کہ پی ٹی آئی کل احتجاج کرنا چاہتی ہے لیکن کل تک کے لیے تو ہم نوٹس ہی کرسکتے ہیں۔ جسٹس ثمن رفعت امتیاز نے عامر مغل کی درخواست پر سماعت کی۔عدالت نے استفسار کیا کہ پہلے بھی ایسی درخواست لگی تھی اس کا کیا بنا۔ وکیل نے بتایا کہ چیف جسٹس نے درخواست منظور کی تھی۔جسٹس ثمن رفعت امتیاز نے پوچھا کہ کرنا کیا چاہ رہے ہیں۔ وکیل نے کہا کہ پریس کلب کے باہر پرامن مظاہرہ کرنا چاہتے ہیں جو زیادہ سے زیادہ ایک گھنٹے کا ہوگا۔