نارووال‘ بدو ملہی(نامہ نگاران) نارووال نیو لاہور روڈ پر دو ٹریفک حادثوں میں دوافراد جان بحق ،کارالٹنے سے دو خواتین زخمی ہوگئیں تفصیلات کے مطابق نارووال نیو لاہور روڈپر حاجی والا سٹاپ کے قریب دوموٹرسائیکل سوار بدوملہی سے نارووال آرہے تھے کہ نارووال سے لاہور جانے والی تیز رفتار بس نے ٹکر مار دی جس سے محلہ محمد پورہ کے رہائشی عبدالقیوم اور محمد آصف موٹر سائیکل پر سوار عبدالقیوم موقع پر ہی جاں بحق ہو گیاجبکہ محمد آصف کو شدید زخمی حالت میں ریسکیو1122 نے ڈی ایچ کیوہسپتال نارووال پہنچایا گیا ۔ لیکن شدیدزخموں کی تاب نہ لاتے ہوئے محمد آصف بھی خالق حقیقی سے جا ملا۔ جبکہ دوسرا حادثہ پیجووالی کے قریب پیش آیا نارووال سے جانے والی تیز رفتار کار موڑ کاٹتے ہوئے سڑک سے نیچے گہرائی میں جاگری جس میں 18سالہ ماریہ اور 26سالہ سدرہ زخمی ہوئیں جنہیں ریسکیو1122نے ڈسٹرکٹ ہیڈ کوارٹر ہسپتال نارووال منتقل کیا جبکہ ڈرائیور معجزانہ طور پر محفوظ رہا۔