پی ٹی آئی نے قومی اسمبلی کے 12 حلقوں میں جنرل سیٹس پر خواتین کو ٹکٹ جاری کر دئیے

اسلام آباد (اسٹاف رپورٹر)پاکستان تحریک انصاف نے قومی اسمبلی کے 12 حلقوںمیں جنرل سیٹ پر خواتین کو ٹکٹ جاری کردئیے لاڑکانہ اور مظفر گڑھ سے دو دو خواتین کو ٹکٹ دئے گئے ان میں NA 72 سیالکوٹ سے ڈاکٹر فردوس عاشق اعوان ،NA 90 سرگودھا سے نادیہ عزیز ،NA 115 جھنگ سے غلام بی بی بھروانہ ، NA 168 بہاولنگر سے فاطمہ طاہر چیمہ ، NA 173 بہاولپور سے خدیجہ عامر ، NA 182 مظفر گڑھ سے تہمینہ دستی ، NA 184 مظفر گڑھ سے سیدہ ظاہرہ باسط بخاری ، NA 191 ڈیرہ غازیخان سے زرتاج گل ،NA 200 لاڑکانہ سے حلیمہ بھٹو ، NA 201 لاڑکانہ سے قرۃالعین ،NA 202 قنبر شہزاد سے فلائٹ لیفٹننٹ (ر) مسرت شاہ، NA 211 نوشہرو فیروز سے غزالہ حسین کو ٹکٹ جاری کردئے گئے ۔راولپنڈی سے پنجاب اسمبلی کے دوحلقوںPP 12 اورPP 13 سے تحریک انصاف اپنے امیدواروں کا فیصلہ نہ کرسکی جس کی وجہ سے واثق قیوم اور حاجی امجد کے حلقوں کا تعین نہ ہوسکا پی ٹی آئی PP 12 سے واثق قیوم اورPP 13 سے حاجی امجد کو ٹکٹ جاری کرنے کیلئے آپشنز پر غور کر رہی ہے ۔
جنرل سیٹ