شاہ جمال:بااثر شخص نے گھر میں کام کرنیوالی خاتون پرچوری کا الزام لگادیا

  شاہ جمال(نامہ نگار)سات مرلہ سکیم کی رہائشی حسینہ مائی زوجہ عاشق حسین سمراء  نے بتایا کہ اسکا شوہر بیس سال قبل وفات پاچکا ہے وہ اتنا عرصہ سے مختلف گھروں میں محنت مزدوری کر کے بچوں کو پال رہی ہوں وہ با اثرشخص کے گھر میں کام کرتی ہے اس نے اس پر چوری کا الزام لگا دیا اس دوران ایک اور شخص آگیا اس نے سنگین نتائج کی دھمکیاں دیتے ہوئے  موبائل بھی چھین لیا بعد ازاں اے ایس آئی مشتاق کانجو معہ پولیس نفری کے گھر گھس آئے اسے اور اسکی دیورانی بچو مائی کو گرفتار کر لیا اس دوران بچو مائی کا بیٹا محمد مدثر جو کہ بھٹہ مزدور ہے آگیا اسے بھی گرفتار کر کے تشدد کرتے ہوئے تھانے لے گئے اور پولیس نے اسکا موٹر سائیکل بھی چھین لیا اس نے شدید احتجاج کرتے ہوئے ڈی پی او مظفرگڑھ سے نوٹس لینے کا مطالبہ کیا ہے رابطہ کرنے پر اے ایس آئی مشتاق کانجو نے بتایا کہ اس کے دفتر میں ان کے سامنے  خواتین پر کوئی تشدد نہیں ہوا ہے جبکہ فیضان کی مدعیت میں چوری کا مقدمہ نامعلوم افراد کیخلاف درج ہے مدعی کی نشاندھی پر خواتین کو حراست میں لیا تھا پوچھ گچھ کے بعد چھو دیا ہے۔