ایل ای ڈی لائٹس حادثات کاسبب  ہیں،گاڑی مالکان اتروادیں: صنم شہزادی 

گوجرانوالہ(نمائندہ خصوصی) ایس ایس پی پٹرولنگ ریجن گوجرانوالہ شجاعت علی رانا کے احکامات کے پیش نظر انچارج موبائل ایجوکیشن سب انسپکٹر صنم شہزادی اور ان کی ٹیم نے ٹریفک قوانین اور  رات کے وقت گاڑیوں میں لگی ایل ای ڈی لائٹس کے بارے اگاہی مہم کا آغاز کیا اور کہا کہ ایل ای ڈی لائٹس  خلاف قانون ہیں جن کی روشنی مخالف سمت سے آنے والے ڈرائیورز کی آنکھوں میں پڑ کر ٹریفک حادثات کا سبب بنتی ہے صنم شہزادی نے ایل ای ڈی لائٹس والی گاڑیوں کے مالکان کو تنبیہ کرتے ہوئے کہا ہے کہ اپنی گاڑیوںمیںلگی ایل ای ڈی لائٹس کی وجہ سے دوسروں کیلئے پریشانی کا باعث مت بنیں اور ایل ای ڈی لائٹس کو اتروا کر مہذب شہری ہونے کا ثبوت دیں۔