ناظم امتحانات اعلی ثانوی تعلیمی بورڈنے امتحانی مراکز کا اچانک دورہ کیا

 کراچی( اسٹاف رپورٹر (اعلی ثانوی تعلیمی بورڈکراچی کے ناظم امتحانات انجینئر انور علیم خانزادہ نے جمعہ کو امتحانی مراکز کا اچانک دورہ کیا اور جاری امتحانات کا جائزہ لیا ۔ناظم امتحانات نے پی ای سی ایچ ایس،گورنمنٹ سائینس کالج کشمیر روڈ، سی ایم
 ایس گورنمنٹ ہائی سیکنڈری اسکول نشتر روڈ،ایس ایم بی فاطمہ جناح گورنمنٹ گرلز ڈگری کالج،گورنمنٹ ڈگری کالج گارڈن اورگورنمنٹ نیشنل کالج نمبر 2 کا دورہ کیا اور سینٹر سپریٹنڈنٹ کو نقل روکنے کی ہدایت کی ۔انہوں نے کہا کہ نگراں امتحان فرائض سے غفلت نہ برتیں اور شفاف امتحانات کے انعقاد میں انٹر بورڈ اور ویجی لینس ٹیموں کا بھر پور ساتھ دیں جبکہ کسی ناخوشگوار واقعہ کی فوری اطلاع انٹر بورڈ کے کنٹرول روم کو دی جائے ۔