سکولوں میں اساتذہ کی 99 ہزار آسامیاں خالی‘ بھرتی کیلئے سمری طلب

 ملتان(خصوصی رپورٹر)پنجاب کے سکولوں میں 99049 اساتذہ کی اسامیاں خالی پڑی ہیں ،ان اسامیاں پر بھرتی کیلئے سمری طلب کرلی گئی ہے۔ذرائع کے مطابق محکمہ سکول ایجوکیشن پنجاب کے سکولوں میں قاری کی 633 پرائمری سکول ٹیچر کی 57492 ایلیمنٹری سکول ٹیچر کی 23597 ایس ایس ٹی 6928 ڈپٹی ہیڈ ماسٹر اور سینئر ہیڈ ماسٹر 618 ایس ایس کی 8819 اور پرنسپلز کی962 اسامیاں خالی پڑی ہیں۔آسامیاں خالی ہونے سے محکمہ تعلیم سکول ایجوکیشن تعلیم کے مطلوبہ رزلٹ حاصل کرنے میں ہر سال ناکام رہتا ہے۔خالی آسامیوں کی بھرتی کیلئے محکمہ سکول ایجوکیشن ڈیپارٹمنٹ نے سمری طلب کرلی ہے۔