لاہور (سپورٹس رپورٹر) پاکستان میں انٹرنیشنل کرکٹ کی بحالی کے بعد پی سی بی نے سٹیڈیمز کی دیکھ بھال بھی شروع کردی ہے، آئندہ سال ایشیا کپ اور 2025 میں چیمپئنز ٹرافی کی میزبانی کیلئے کراچی کے نیشنل سٹیڈیم میں بھرپور تیاریاں جاری ہیں۔نیشنل سٹیڈیم کراچی میں پچز سکوائر کا کام مکمل ہونے کو ہے، آسٹریلیا سے درآمد کی گئی مٹی کا پاکستان پہنچنے کا انتظار ہے جس کے بعد پچ نمبر تین کو تیار کیا جائیگا۔آوٹ فیلڈ کو خوبصورت بنانے کے اتھ ساتھ سٹینڈز میں فولڈنگ چئیرز بھی لگائی جائیں گی، پریکٹس ایریا پر بھی کام جاری ہے جبکہ سٹیڈیم کی صفائی اور کباڑ کو ٹھکانے لگایا جا رہا ہے۔واضح رہے کہ پاکستان کو ایشیا کپ اور چمپئینز ٹرافی 2025 کی میزبانی کرنی ہے۔ بڑے مقابلوں کے بڑے انتظامات کی تکمیل کے لئے کام کو تیز کرنا ہوگا۔