گوجرانوالہ (نمائندہ خصوصی)امیر جماعت رضائے مصطفی پاکستان مولانا پیر محمد دائود رضوی نے جمعتہ المبارک کے اجتماع میں افغانستان و پاکستان میں مختلف مقامات پر زلزلہ اور بارشوں کی وجہ کئی افراد کے جاں بحق و زخمی ہونے پر اظہار افسوس کرتے ہوئے کہا کہ قرآن و حدیث کی روشنی میں ہمیں مصائب و تکالیف میں استغفار کرنے اور مرنے والوں سے عبرت حاصل کرنے کا حکم دیا گیا ہے مگر افسوس کہ لوگ عبرت حاصل کرنے کے بجائے لوٹ مار،شغل ،عریانی اور ٹک ٹاک بنانے میں مصروف ہیں۔اجتماع میں فوت شدگان کی مغفرت،پسماندگان کیلئے صبر جمیل اور زخمیوں کی جلد صحت یابی کیلئے دعا کی گئی۔