لاہور (نوائے وقت رپورٹ) لاہور میں ضمنی انتخاب کے سلسلے میں مہم چلانے کیلئے سابق وزیراعظم عمران خان اتوار کو لاہور آئیں گے۔ خیال رہے کہ الیکشن کمشن نے پنجاب اسمبلی میں حمزہ شہباز کو وزارت اعلیٰ کیلئے ووٹ دینے والے تحریک انصاف کے 25 ممبران کو نااہل کروا دیا گیا۔ پانچ خصوصی نشستوں کے علاوہ 20 نشستوں پر صوبے بھر میں الیکشن ہونگے۔ چار سیٹوں پر لاہور میں الیکشن ہونگے۔ ان چار سیٹوں پر الیکشن کی مہم کے سلسلے میں پی ٹی آئی چیئرمین عمران خان اتوار کو لاوہر آئیں گے۔ وہ چار حلقوں میں کنونشن اور جلسوں سے خطاب کریں گے۔ سابق وزیراعظم لاہور کے حلقہ پی پی 168‘ 167‘ 170 اور 158 میں انتخابی مہم چلائیں گے۔