سری لنکا  اور بھارت کی ویمنز ٹیموں کے درمیان دوسراٹی 20 کرکٹ میچ آج کو  کھیلا جائے گا

دمبولا (اے پی پی)سری لنکا  اور بھارت کی خواتین کرکٹ ٹیموں کے درمیان تین ٹی 20میچوں پر مشتمل سیریز  کا دوسرا میچ(کل) ہفتہ   کو رنگیری دمبولا انٹرنیشنل سٹیڈیم، دمبولامیں کھیلا جائے گا۔  بھارتی ٹیم کو سری لنکن ویمن ٹیم کے خلاف تین میچوں کی سیریز میں 0-1 کی برتری حاصل ہے۔ بھارت نے پہلے میچ میں میزبان خواتین ٹیم کو 34 رنز سے شکست دی تھی۔ سری لنکا کے خلاف سیریز میں شرکت کے  لئے بھارتی ٹیم پہلے ہی سری لنکا  میں موجود ہے ۔ متھالی راج کی ریٹائرمنٹ کے بعد بھارتی ٹیم کی کمان ہرمن پریت کور سنبھال رہی ہیں ۔ دونوں ٹیموں کے درمیان تینوں ٹی 20 میچز رنگیری دمبولا انٹرنیشنل سٹیڈیم، دمبولامیں ہی کھیلے جائیں گے۔ تین میچوں کی سیریز کا  تیسرا اور آخری ٹی 20 میچ 27 جون کو کھیلا جائے گا۔ تین ٹی 20 میچز کی سیریز کے بعد تین ون ڈے میچوں کی سیریز کا آغاز یکم جولائی کو ہوگا۔ دوسرا ون ڈے میچ 4 جولائی جبکہ تیسرا اور آخری ون ڈے میچ 7 جولائی کو کھیلا جائے گا۔ تینوں ون ڈے میچز پالے کیلی  انٹرنیشنل کرکٹ سٹیڈیم، پالے کیلی میں ہی کھیلے جائیں گے۔