کمشنر کراچی اسکوائش ٹورنامنٹ 14اگست  سے کراچی میں منعقد ہوگا

کراچی(اسپورٹس ڑپورٹر)کمشنر کراچی محمد اقبال میمن نے اعلان کیا ہے کہ 14اگست سے 21اگست تک کراچی میں کمشنر کراچی کپ اسکوائش ٹورنامنٹ کا انعقاد کیا جائے گایہ اعلان انہوں نے جمعے کو اپنے دفتر میں شاہ فیصل کالونی ضلع کورنگی کے رہائشی اورمسلسل 3انڈر قومی اسکوائش ٹورنامنٹس کے چمپئن حذیفہ شاہد کے اعزاز میں دیئے گئے استقبالئے سے خطاب میں کیا اس موقع پر ڈپٹی کمشنر ایسٹ راجہ طارق چانڈیو، اسسٹنٹ کمشنر جنرل کمشنر آفس عابد قمر شیخ،اسسٹنٹ کمشنر ریونیوپیرل چانڈیوکے علاوہ نوید عالم کو چ پاکستان نیوی،پرسنل سیکریٹری احمر پاشا،کوآرڈینٹر اسپورٹس کمشنر کراچی غلام محمد خان،اسپورٹس آرگنائزر اسد عباد علی خان اور دیگر بھی موجودتھے۔ کمشنر کراچی کے کہا کہ میں انتہائی مسرت کے ساتھ حذیفہ شاہد آپ کو اس عظیم کارنامے پر مبارکباد دیتا ہوں اور یہ اعلان کرتا ہوں کہ میں اور کمشنر آفس آ پ کے ہر مسئلے کے حل کے لئے موجود ہیں۔کمشنر کراچی محمد اقبال میمن نے مزید کہاکہ کراچی کے کھلاڑی ہر کھیل میں فتوحات حاصل کررہے ہیں اورعوام دیکھیں گے کہ عید الضحی کے بعد شہر کراچی میں کھیلوں کا نہ ختم ہونے والا سلسلہ شروع ہوگا، کمشنر کراچی نے اس موقع پراپنی جانب سے انڈر 13چیمپئن حذیفہ شاہد کو سرکاری نشان بھی دیا۔
اسکوائش ٹورنامنٹ