اوکاڑہ: مبینہ پولیس مقابلہ‘3 ڈاکو ہلاک‘ 4 فرار

اوکاڑہ (نامہ نگار) اوکاڑہ مبینہ پولیس مقابلہ 3 ڈاکو ہلاک‘ 4 ساتھی فرار‘ یونیورسٹی روڈ رقبہ چک نمبر/2-L 25 کے قریب 7 ڈاکو ناکہ لگا کر راہگیروں کو لوٹ رہے تھے۔ اطلاع پر  پولیس کی بھاری نفری موقع پر پہنچ گئی۔ پولیس پارٹی کو دیکھتے ہی ڈاکو فصلوں میں گھس گئے اور پولیس پارٹی پر اندھا دھند فائرنگ شروع کی۔ ڈاکوؤں کی اندھا دھند فائرنگ کی زد میں آکر ان کے اپنے ہی  3 ساتھی ڈاکو ہلاک ہوگئے جب کہ ان کے 4 ساتھی فرار ہونے میں کامیاب ہو گئے۔ پولیس نے ناجائز اسلحہ‘ نقدی اور موٹر سائیکل بھی برآمد کر کے قبضہ میں لے لی۔