جنرل سیکرٹری پیپلز پارٹی گلف خالد رانا کی رہائشگاہ پر بینظیر بھٹو شہید کی سالگرہ تقریب 

لاہور(نیوز رپورٹر)پاکستان پیپلز پارٹی گلف کے جنرل سیکرٹری خالد رانا کی رہائشگاہ پر سابق وزیر اعظم بے نظیر بھٹو شہید کی سالگرہ کا اہتمام کیا گیا جس میں پیپلز پارٹی پنجاب کونسل کے ممبر خالد بٹ، سینئر پیپلزپارٹی لیڈر شہباز درانی، محمدعمر، محمد علی میر، وقار ملک ، طاہر جعفری ، یاسمین فاروق، خاور ناہید موہل، سید الیاس شاہ‘ سیداعجاز شاہ نے شرکت کی۔تقریب میں خصوصی طور پرسانجھ پبلی کیشنز کے روح رواں ترقی پسند دانشور امجد سلیم منہاس بھی شریک ہوئے۔ شرکاء  نے کیک کاٹنے کے بعد اظہار خیال کرتے  کہا کہ پیپلز پارٹی کاپنجاب کے عوام سے کٹ جانا تحقیق طلب ہے، کارکن اور لیڈروں   خصوصاً چیئرمین اور عام کارکن کے درمیان دوری پیدا کرنے والوں کا محاسبہ کیا جائے اور کارکن کی لیڈروں تک رسائی کا سلسلہ اسی طرح بحال کیا جائے جیسے محترمہ بی بی شہید کے زمانے میں تھا۔