فیروزوالہ( نامہ نگار)دن دیہاڑے ڈکیتی ،راہزنی اور سرقہ بالجبر کی متعدد وارداتیں ڈاکوؤں نے متعدد شہریوں کو روک کر لوٹ لیا۔ ڈاکو لوٹ مار کر کے فرار ہو گئے۔ لاہور روڈ کی آبادی خان پور نہر کے قریب کامران اور اس کے ساتھی کو روک کر لوٹ لیا۔ ان سے نقدی اور 2موبائل چھین کر لے گئے۔ جی ٹی روڈ پر کالا شاہ کا قریب ڈاکووں نے موٹر سائیکل سوار اسلم کو روک کر لوٹنے سے موٹر سائیکل نقدی چھین کر لے گئے۔ پولیس وردیوں میں ملبوس ڈاکوؤں نے محمد افضل کو روک کر لوٹ لیا۔ ڈاکو اس سے 1لاکھ 70ہزار روپے کی رقم چھین کر فرار ہوگئے۔ ڈاکو نے غلام جیلانی کو روک کر لوٹ لیا۔ اس سے نقدی اور موبائل چھین کر لے گئے۔ ڈاکوؤں نے موٹر سائیکل سوار میاں بیوی کو روک کر لوٹ لیا۔ ان سے 2 موبائل نقدی اور طلائی زیورات چھین لیے۔ ڈاکو نے مزاحمت پر موٹرسہ سوار اسلم کو تشدد کا نشانہ بنایا فرار ہو گئے۔