قلعہ دیدار سنگھ(نمائندہ خصوصی)مقامی میرج ہال میں قلعہ دیدار سنگھ سے آئی بارات کے باراتیوں کا دلہن کی سہلیوں کے ساتھ نیگ کا تنازعہ پر جھگڑا شدت اختیار کر گیا۔مکوں ٹھڈوں سے ایک دوسرے پر تشدد پندرہ افراد زخمی بارات بغیر نکاح کے واپس چلی گئی۔پولیس نے دولہے سمیت پانچ افراد کو گرفتار کر لیا بتایا گیا ہے کے لدھیوالہ وڑائچ کے محلہ روہی والا کے رہائشی محمد عباس کی بیٹی کی بارات مقامی میرج ہال میں آئی ہوئی تھی دلہن کی کزنوں اور سہلیوں نے بارات کے ہال میں داخل ہونے کا نیگ لینے کے لئے دوپٹہ تان رکھا تھا پیسوں کا معمالہ حل نہ ہونے پر منچلے باراتی لڑکیوں کو دھکا دے کر ہال میں داخل ہو گئے،جس سے تنازعہ شدت اختیار کر گیا اور دلہن کے رشتہ داروں اور باراتیوں نے ایک دوسرے پر مکوں ٹھڈوں سے حملہ کر دیا جس سے دونوں اطراف سے پندرہ افراد زخمی ہو گئے اطلاع ملنے پر تھانہ لدھیوالہ وڑائچ  پولیس نے دولہے سمیت پانچ افراد کو گرفتار کر لیا جسکے بعد بارات بغیر نکاح اور دولہن لئے خالی ہاتھ واپس چلی گئی جبکہ دلہن نے والد نے باراتیوں کے لئے تیار کیا گیا کھانا محلے کے گھروں میں بانٹ دیا۔