پتوکی:شہرمیں سیوریج کاپانی جمع،تعفن میں سانس لینا محال

پتوکی (نامہ نگار)چیف آفیسر میونسپل کمیٹی کی مبینہ نا اہلی سے شہر بھر میں سیوریج کا پانی جمع ہوگیا ، تعفن میں سانس لینا تک محال ہو گیا۔خاکروب غائب شہریوں کی مشکلات میں اضافہ ڈی سی قصور نوٹس لیں ۔میگاروڈ ہلہ روڈ مین بازار چونیاں روڈ،مدینہ کالونی سمیت مختلف چوک اور گلیاں جن میں پرانی منڈی گلی نمبر چار سرفہرست ہے ۔شہریوں کا میگھہ اور ہلہ روڈ پر پیدل چلنا بھی محال ہو گیا اس کے علاوہ ہلہ روڈ جو حال ہی میں کروڑوں روپوں کی لاگت سے تعمیر ہواسیوریج کے پانی کی وجہ سے ٹوٹ چکا ہے اور پرانی منڈی کی بھی یہی صورتحال ہے صفائی نا ہونے سے شدید متاثر ہیں۔