نارنگ منڈی: کھیت میں آنے پر کلہاڑی سے گدھے کی ٹانگیں توڑ دیں

نارنگ منڈی (نمائندہ نوائے وقت) کھیتوں میں جانے پر سفاک ملزموں نے کلہاڑی کے وار کر کے گدھے کی ٹانگیں توڑ دیں۔ گدھا جو دو دن تک تپتی دھوپ میں بے یارومددگار پڑا رہا‘ نارنگ پولیس کو اطلاع ملتے ہی ریسکیو حکام اور لائیو سٹاک کا عملہ موقع پر پہنچ گیا۔ دو ملزموں کو موقع سے گرفتار کر لیا گیا۔ گدھے کے مالک خالد جٹ نے ملزموں کے خلاف تھانہ نارنگ میں درخواست جمع کروا دی جس میں بتایا گیا ہے جانوروں کے چارے کے لئے گدھا گاڑی بنا رکھی تھی۔ دو روز قبل گدھا رسی توڑ کر بھاگ گیا اور بے لگام ہو کرکھیتوں میں چلا گیا جس پر یعقوب فرحان وغیرہ نے تیز دھار آلے سے اس کی ٹانگیں توڑ دیں‘ پولیس مصروف تفتیش ہے۔