لاہور (سپورٹس رپورٹر) پاکستان نیٹ بال فیڈریشن کے زیر اہتمام ایک روزہ نیٹ بال کوچنگ کورس کل پاکستان سپورٹس بورڈ کے لائبریری ہال میں ہوگا۔کورس کا افتتاح پاکستان سپورٹس بورڈ کے ڈپٹی ڈی جی شاہد اسلام کریں گے۔ کورس ملک بھر سے کھلاڑی اور کوچز حصہ لے رہی ہیں۔ کورس میں مختلف کھیلوں سے تعلق رکھنے والے لیکچرار شرکا کو مختلف موضوعات پر لیکچرز دیں گے۔ کورس میں شرکت کرنے کی خواہش رکھنے والے کھلاڑی، کوچز اور تعلیمی اداروں کے سپورٹس ٹیچرز اپنے اپنے ناموں کی رجسٹریشن 25 جون صبح 10 بجے تک ای میل پر paknetball@gmail.comکروا سکتے ہیں اور رانا اسد تنویر کو کورس کوآرڈینیٹر مقرر کیا گیا ہے۔
واضح رہے کہ نیشنل نیٹ بال چیمپئن شپ 27 سے 30 جون سے تک لیاقت جمنازیم، اسلام آباد میں شروع ہو گی۔ جس میں ملک بھر سے ریجنل، صوبائی اور مختلف ڈیپارٹمنٹس کی ٹیمیں حصہ لے رہی ہیں۔