لاہور(نامہ نگار)باغبانپورہ میں گھر سے معمر میاں بیوی کی نعشیںملی ہیں۔پولیس نے دونوں لاشیں پوسٹ مارٹم کے لئے مردہ خانے منتقل کرکے تفتیش شروع کردی ہے۔باغبانپورہ  میں گھر کی بالائی منزل پر کمرے سے72سالہ عبدالطیف اور اس کی اہلیہ 66سالہ عابدہ کی نعشیں ملی ہیں۔دونوں میاں بیوی کمرے میں پراسرار طور پر مردہ حالت میں پائے گئے ہیں۔دونوں نعشیں دو تین روز پرانی معلوم ہوتی ہیں۔عبدالطیف اور اس کی اہلیہ عابدہ اس گھر میں  اپنے بھتیجے کیساتھ گزشتہ 12 سال سے مقیم تھے۔گھر سے میاں بیوی کی نعشیں ملنے سے علاقے میں خوف وہراس پھیل گیا۔