اسلام آباد (اپنے سٹاف رپورٹر سے)فلسطین میں اسر ائیلی فوج کی جانب سے جاری مظالم کے خلاف احتجاجی مظاہرہ کر نے والے اسلامی جمعیت طلبہ کے دس کارکنان کی رہائی پر دفتر جماعت اسلامی میلوڈی کے سامنے یکجہتی غزہ نائٹ کا اہتمام کیا گیا جس میں سینکڑوں کی تعداد میں مردو خواتین اور اسلامی جمیت طلبہ کے کارکنان نے شر کت کی، تقریب سے نائب امیر جماعت اسلامی پاکستان میاں محمد اسلم، امیر جماعت اسلامی اسلام آباد نصر اللہ رندھاوا، سیکرٹری جنرل زبیر صفدر، ناظم اسلامی جمعیت طلبہ پنجاب تصور کاظمی، مصعب روہان سمیت دیگر نے خطاب کیا۔تقریب سے خطاب کر تے ہو ئے میاں محمد اسلم نے کہا اسرائیل 9 ماہ سے نہتے اورمعصوموں فلسطینیوں کو شہید کر رہا ہے، اب تک چالیس ہزار مردو خواتین اور بچوں کو شہید کیا جا چکا ہے، مگر حماس کو شکست نہیں دے سکا،اسرائیل اعتراف کر رہا ہے کہ وہ شکست کھا چکا ہے،عالمی طاقتیں غزہ میں بارود برسا چکی ہیں اپنے پنجے آزما چکی ہیں لیکن مکمل ناکام ہیں،جہاد کی بر کت سے اسرائیل فلسطینیوں سے عبرتناک شکست کھا چکا ہے۔