مڈ کیریئر مینجمنٹ کورس کے شرکاء کا دورہ سنٹرل پولیس آفس،آئی جی  سے ملاقات

اسلام آباد(اپنے سٹاف رپورٹر سے)نیشنل انسٹیٹیوٹ آف مینجمنٹ لاہور کے مڈ کیریئر مینجمنٹ کورس کے شرکاء کے وفد نے سنٹرل پولیس آفس کا دورہ کیا،وفد نے انسپکٹر جنرل آف پولیس اسلام آباد سید علی ناصر رضوی سے ملاقات کی اور مختلف امور پر تبادلہ خیال کیا،اس موقع پر تمام ڈویژنز کے سینئر پولیس افسران بھی موجود تھے،سینئر پولیس افسران نے وفد کے شرکاکو اسلام آبادپولیس کی تمام ڈویژن میں جاری مختلف ترقیاتی ،تربیتی اور انتظامی پروگراموں کے حوالے سے بریفنگ دی اور انکے طریقہ کار اور افادیت کے بارے میں بھی مکمل آگاہ کیا، جبکہ ڈی آئی جی ہیڈکوارٹرز نے وفد کو اسلام آباد پولیس کی کارکردگی اور شہریوں کی سہولت کیلئے اٹھائے گئے اقدامات کے حوالے سے تفصیلی بریف کیا،جبکہ ایس پی ہیڈکوارٹرز کو وفدکا فوکل پرسن مقرر کیا گیا تاکہ وفد کو اسلام آباد پولیس کے دورے کے دوران تمام تر معاملات میں ہر کسی قسم کی سہولت مہیا کی جاسکے۔