لاہور ( سپیشل رپورٹر)حضرت سیدہ خاتون جنت سیدہ فاطمۃلزہرا رضی اللہ عنہاکے یوم وصال کے موقع پر ڈاکٹرسرفراز نعیمی شہید فائونڈیشن اورنعیمین ایسوسی ایشن پاکستان و یمن ونگ کے زیر اہتمام جامعہ سراجیہ نعیمیہ مغلپورہ میںایک روزہ’’ فری آئی کیمپ‘‘ لگایا گیا۔ سرگنگارام ہسپتال ، فاطمہ میموریل ہسپتال اور جامعہ پنجاب کے سینئر ماہرامراض چشم پروفیسر ڈاکٹر زاہدکمال، ڈاکٹر سعیدنیازی، ڈاکٹر نعیم رستم،ڈاکٹررانا ریا ض ودیگرسینئرڈاکٹرزصاحبان فری آئی کیمپ میں اپنی خدمات سرنجام دیں۔آئی کیمپ میں جامعہ سراجیہ نعیمیہ طالبات سمیت اہل علاقہ کی ساڑھے چارسوسے زائدخواتین کی نظر کابھی معائنہ کیاگیا۔