لاہور میں 33 لاکھ کی وارداتیں، فیروزوالا: مزاحمت پر فائرنگ سے تاجر زخمی

لاہور/ فیروز والا (نامہ نگاران) لاہور میں 33 لاکھ کی وارداتیں، فیروزوالا میں مزاحمت پر فائرنگ سے تاجر زخمی ہوگیا۔ ڈاکوئوں نے شاہدرہ میں راشدکے گھر گھس کر اہلخانہ کو گن پوائنٹ پریر غمال بنا کر گھر سے8 لاکھ، رائیونڈ میں آرمی ویلفیئر سوسائٹی کے رہائشی عبدالباسط کے گھر سے 5 لاکھ روپے، قائداعظم انڈسٹریل ایریا میں نور محمد کے گھر سے 4 لاکھ روپے مالیت، سبزہ زار میں حمادکے گھر سے 3 لاکھ روپے مالیت کی نقدی، طلائی زیورات،موبائل فون اور دیگر سامان لوٹا ہے۔ ڈاکوئوںنے ڈیفنس بی میں عامر اور اس کی فیملی سے4 لاکھ، چوہنگ بھٹہ چوک میں نواز اور اس کی فیملی سے2 لاکھ کا سامان لوٹ لیا۔ ڈاکوؤں نے اسلام پو رہ میں ذیشان سے3 لاکھ، ہربنس پورہ میں امجد پرویز سے ایک لاکھ 59ہزار، ہرٹائون میں عامر سے 98 ہزار روپے اور موبائل فون، جوشمالی چھائونی میں اقبال سے 70ہزار، کاہنہ میں ایوب سے40 ہزار، شادباغ میں مدثر سے28 ہزار روپے اور موبائل فونز لوٹ لئے۔ چوروں نے ملت پارک میں سے یونس ٹائون شپ میں احمد، گارڈن ٹائون میں سے ولید کی گاڑیاں جبکہ مزنگ میں سے ہارون، گڑھی شاہو ہارون، سول لائن میں عمران، جوہر ٹائون میں قادر،چوہنگ میں عامر، ستوکتلہ میں احمد، گرین ٹائون میں حیات، نواب ٹائون میں تسنیم، جنوبی چھاؤنی میں ذیشان، شمالی چھائونی میں عامر، باغبانپو رہ میں سہیل، نصیر آباد میں طارق، اسلام پورہ میں سے صفدر اور اعظم کی مو ٹرسائیکلیں چوری کر لی ہیں۔ علاوہ ازیں فیروزوالا میں جی ٹی روڈ کارخانہ بازار مریدکے میں ڈاکوئوں نے گن پوائنٹ پر تاجر شیخ لیاقت علی کو روک کر لوٹ لیا۔ ڈاکوئوں نے دو لاکھ دس ہزار روپے چھین لئے مزاحمت پر ڈاکوئوں نے اِسے گولی مار کر زخمی کر دیا۔ ڈاکوئوں نے موٹر سائیکل سوار اعظم اور اس کی بیوی سے نقدی، زیورات چھین لئے۔ مریدکے میں ڈاکوئں نے گن پوائنٹ پر موٹر سائیکل جبکہ الطاف حسین، حنیق احمد اور سنی کی موٹر سئایکلیں چوری کر لیں۔ صدیقہ کالونی میں نامعلوم ڈاکوئوں نے عارف کے گھر میں داخل ہو کر اہل خانہ کو یرغمال بنا کر زیورات اور نقدی موبائل چھین کر لے گئے۔