کرکٹ بورڈ کا سربراہ سفارشی ہو تو معاملات کیسے ٹھیک ہوسکتے ہیں: عمران خان

اسلام آباد(آن لائن) چیئرمین تحریک انصاف اور سابق کپتان عمران خان نے کہا ہے کہ تینوں فارمیٹ کیلئے قومی ٹیم کا ایک ہی کپتان ہونا چاہیے ، اس وقت سرفراز احمد بہترین چوائس ہیں ، پاکستان میں بیٹنگ کا ٹیلنٹ ہے لیکن تکنیک نہیں ۔ پاکستان کرکٹ بورڈ میں مافیا ہے وہ تبدیلی نہیں لانا چاہتا ڈومیسٹک کرکٹ کا نظام بہت کمزور ہے کرکٹ بورڈ کا سربراہ سفارشی ہو تو معاملات کیسے ٹھیک ہوسکتے ہیں؟آخری بال تک ہار نہیں ماننا چاہتے ابھی بھی پاکستانی کی ٹیم ورلڈکپ سے باہر نہیں ہوئی ۔ انہوں نے کہا کہ بھارتی کپتان دھونی دباﺅ میں اچھا کھیلتا ہے اور وہ ویرات کوہلی کو کپتانی کیلئے تیار بھی کررہا ہے ہر میچ میں ٹیم کو تبدیل نہیں کرنا چاہیے کرکٹ میں سب سے اہم کردار کپتان کا ہوتا ہے کوچ کا کردار محدود ہوتا ہے گراﺅنڈ میں کپتان نے ہی فیصلے لینے ہوتے ہیں۔ انہوں نے کہا کہ شاہد آفریدی کو ٹیسٹ کرکٹ نہیں چھوڑنا چاہیے تھی ٹیسٹ کرکٹر تمام فارمیٹ میں اچھی کارکردگی دکھا سکتی ہے۔انہوں نے کہا کہ سرفراز احمد دلیر کرکٹر ہیں تینوں فارمیٹ کیلئے ایک ہی کپتان بنایا جائے تو سرفراز احمد بہترین چوائس ہے۔ انہوں نے کہا کہ محمد عامر بہت اچھا باﺅلر ہے اس کو پالش کرنے کی ضرورت ہے۔