نوشہرو فیروز: رشتہ کے تنازعہ پر 2 گروپوں میں تصادم، 6 افراد ہلاک، 3 زخمی

نوشہروفیروز ( صباح نیوز )نوشہروفیروز کے علاقہ ہالانی تھانہ کی حدود میں 8سے زائد مسلح افراد نے گاؤں ایوب لاشاری پر حملہ کیا جس کے نتیجے میں 2حملہ آوروں سمیت 6افراد ہلاک اور 3زخمی ہو گئے ۔ تفصیلات کے مطابق نوشہروفیرو کے قریب ہالانی تھانہ کی حدود میں 8 سے زائد مسلح افراد نے گائوں ایوب لاشاری پر حملہ کردیا حملہ کے دوران دو حملہ آوروں سمیت 6 افراد ہلاک اور 3 زخمی ہوگئے۔ ہلاک ہونے والوں میں 48سالہ محمد خان 30سالہ ضمیر لاشاری 20سالہ زاہد لاشاری 40سالہ بچل لاشاری شامل ہیں جبکہ جاں بحق حملہ آوروں کی شناخت گامن لاشاری اور اللہ رکھیو موجائی کے طور پر ہوئی ہے ہالانی پولیس نے رابطہ کرنے پر بتایا کہ پولیس جائے وقوع پر پہنچ چکی نعشوں اور زخمیوں کو ہسپتا ل منتقل کیا کر دیا گیا۔ پولیس کا مزید کہنا تھا کہ ابتدائی معلومات کے مطابق واقعہ رشتہ کے تنازعہ کے سبب پیش آیا۔