کرونا وائرس سے نمٹنے کیلئے گیپکو ہیڈ کوارٹر میں سپیشل کرائسسز مانیٹرنگ سیل قائم

گوجرانوالہ (نمائندہ خصوصی) الیکٹرک پاور کمپنی (گیپکو) کے چیف ایگزیکٹو محسن رضا خاں نے کہا کہ حالیہ کرونا وائرس سے پیدا ہونیوالے ہنگامی حالات کے پیش نظر گیپکو ہیڈ کوارٹر میں سپیشل کرائسسز مانیٹرنگ سیل قائم کر دیا گیا ہے جو اس سلسلہ میں سرکل ، ڈویژن اور سب ڈویژن کی سطح پر قائم خصوصی ہنگامی کمپلینٹ سنٹرز کی کارکردگی مانیٹر کرے گا اور فیلڈ دفاتر میں کسی بھی جگہ موصول ہونے والی بجلی کی فراہمی سے متعلق شکایات کی بر وقت دُرستگی اور معلومات کی فراہمی کے عمل کو یقینی بنائے گا ۔ صارفین ہنگامی شکایات گیپکو کے ہیلپ لائن نمبر118یا بجلی کے بلوں پر موجود ٹیلی فون/موبائل نمبروں پر کال، ایس ایم ایس اور وٹس ایپ وغیرہ کے ذریعہ درج کروائیںاور دفاتر میں تشریف نہ لائیں۔