لاہور(سپورٹس ڈیسک) لیونل میسی ‘کرسٹیانو رونالڈ اور نیما ر جونیئر سب سے زیادہ کمانے والے فٹ بالرز بن گئے ۔ فرانسیسی میگزین رپورٹ کے مطابق تینوں کھلاڑی سب سے زیادہ معاوضہ لیتے ہیں ۔ اشتہاروں اور دیگر حقوق کی مد میں بھی کمائی سب سے زیادہ ہے ۔ ارجنٹائن کے لیونل میسی کی سالانہ آمدن 131ملین ڈالر ہے ۔ پرتگال کے کرسٹیانو رونالڈ و کی سالانہ کمائی 118ملین یورو ہے ۔ برازیل کے نیمار کی سالانہ کمائی 95ملین یورو ہے ۔کوچز میں اٹللٹکو میڈرڈ کے ڈیاگو سائمیون 40.5ملین یورو سالانہ کماکرسر فہرست ہیں ۔ انٹر میلان کے انٹونیو کونٹے 30ملین یورو کمار دوسرے نمبر پر ہیں ۔ مانچسٹر سٹی کے پیپ گارڈیو لا 27ملین یورو کما کر تیسرے نمبر پر ہیں ۔