سیاسی صورتحال‘ گورنر نے  دورہ ملتان منسوخ کر دیا 

ملتان (نمائندہ نوائے وقت+خصوصی رپورٹر) گورنر پنجاب چوہدری محمد سرور نے سیاسی صورتحال کے باعث دورہ ملتان ملتوی کر دیا اور گزشتہ روز خواتین یونیورسٹی ملتان کے ایک کانووکیشن میں شرکت نہیں کی ورنہ گورنرپنجاب نے دو روزہ دورے پر گزشتہ روز ملتان پہنچنا تھا مگر وہ انہیں مصروفیات کے باعث نہ آ سکے اسی طرح گورنر پنجاب نے نشتر میڈیکل یونیورسٹی ملتان اور انسٹی ٹیوٹ آف سدرن پنجاب ملتان کے آج 25 مارچ کو  کانووکیشن میں شرکت کرنا ہے جس کا کنفرم شیڈول تا موصول نہیں ہوا۔ نشتر میڈیکل یونیورسٹی کے ذرائع کے مطابق گورنر پنجاب چوہدری محمد سرور آج نشتر میڈیکل یونیورسٹی کا دورہ کریں گے۔ جہاں وہ کانووکیشن میں شرکت کریں گے۔ ملتان سے خصوصی رپورٹرکے مطابق  یونیورسٹی آف سدرن پنجاب آئی ایس پی کا کانووکیشن  میں آج  کیمپس بوسن روڈ میں منعقد ہوگا جس میں چانسلر اور گورنر پنجاب چوہدری غلام سرور شرکت کرینگے۔