لاہور( بزنس رپورٹر) پنجاب گروپ آف کالجزکے اِنٹری ٹیسٹ کے ادارے سٹیپ کے زیر اہتمام ملک بھر میںخود تشخیصی ٹیسٹ 2022ء کل بروز ہفتہ 26 مارچ کو ہو گا۔ یہ ٹیسٹ پنجاب کے 100سے زائد شہروں میں سٹیپ کی 100 سے زائدبرانچزاور پشاورمیں ہدف گروپ آف کالجز میں لیا جائے گا۔ جبکہ سندھ ، بلوچستان، گلگت  بلتستا ن اور اوورسیز طالب علم آن لائن کیمپس کے ذریعے ٹیسٹ دے سکیں گے۔ ملک بھر سے ایک لاکھ دس ہزار طالب علموں نے اس ٹیسٹ کیلئے رجسٹریشن کروائی ہے۔ آن لائن رجسٹریشن کی سہولت ختم ہو چکی ہے۔ تاہم جو طالب علم رجسٹریشن نہیں کروا سکے، وہ ٹیسٹ سے ڈیڑھ گھنٹہ قبل تک اپنے قریبی کالج کیمپس میں جا کر رجسٹریشن کروا کے ٹیسٹ میں شریک ہو سکتے ہیں۔ ٹیسٹ کے 3000  ٹاپ سکوررز کو سکالرشپ دی جائے گی۔